ඉතිං සතුටෙන්ද නුඹ...

බීලා බීලා
විසි කරන
සිගරට් කොටයක් වගේ
පුළුවන්ද එහෙම උඹට
මාව විසි කරන්න..
මාව පුච්චලා පුච්චලා
උඹට ඕනේ ඕනේ විදිහට
කොහොමද උඹ මාව
විසිකරන්නේ..
කොහොමද උඹ මාව
බිම දාලා ඔය කකුළෙන්
පාගලා දාන්නේ..
උඹ අළුත් සිගරට්
එකක් පත්තු කරන්න වාගේ
මාව විසි කරලා
වෙන එකියක් ලඟට යනකොට
උඹ හිතනවද
අර උඹ බිම දාලා
පෑගුව සිගරට් කොටේ
වගේ මගේ හිතත්
නිවිලා යාවි කියලා
එහෙම කරන්න එපා බං
උඹට ඕනේ නම් මාව
විසි කරපන් ඒත්
සිගරට් කොටයක් වගේ නෙමේ
මගේ හිත නිවෙන විදිහට
ආයෙත් උඹට පත්තු කරන්න
බැරි විදිහට..