බිඳෙන බැඳුම්...

නුඹ නේන දා හිතට තනිකම
දැනෙන හැටි නුඹ දන්නේ නැ
මේ තරම් මට රිදෙන වග
මමත් දැනගෙන උන්නෙ නැ

හරි ආදරෙන් නුඹේ අතක එල්ලි
ගියපු එදවස් හීනෙකම තව තව පැටලෙනා
බැඳුන ඒ බැමි ලිහි යද්දි
හිතම තව තව රිදෙනවා...
බිඳෙන බැඳුමක  තවත් යට වි
දහස් වර මම මියැදෙමි
නුඹ තුටින් නම් මටත් ඒ ඇති
නැවතිච්ච තැන මම හිදින්නම්..

ආදරණීය මල්

නුඹේ අරුමැසි ආදරේ...

නෙතින් නෙතකට එක්ව හා වුණ
හිතම නිවනා ආදරේ
රැගෙන දෝතින් එනතුරා නුඹ
මඟ බලන්නෙමි පාඩුවේ..

හිතක සැනසුම හදන නෙතඳර
නිබද කැටි වුණ ආදරේ
තාම උණුසුම ⁣එහෙමමයි සද
නුඹේ අරුමැසි ආදරේ...

#ආදරණීය_මල්

ඔබ නම්...

සමහර බැඳීම් වල තේරුමක් හිතා ගන්න බැ...ජීවිතේ ජීවත් වෙන තුරුම ඒ බැඳිම් වල සුවඳ කොහේදෝ තැනක හැංගිලා තියෙනවා....ඔබෙත් මගෙත් හිත්වල හැංගිලා තියෙන හැඟිම්...බැඳිම්..නමක් නැති...

කොහිද කියා මන්ද කියා
නොදැන ආවෙමි
දිවි ගමනේ මගේ යෙහෙළි
සොඳුර ඔබ විනි..

අපූරුම මුණ ගැසිම් අපූරු මතක ගොඩක් ඉතිරි කරනවා....මේ අහසත් මේ පොළවත් තියෙන තාක් ඒ මතක මුළු විශ්වය පුරාම රැඳි තියෙවි......හැමදාම හිරු එළිය අපිව හොයන් එනවා වගේ හැම දවසකම සිතිවිලි වල මතක සැරි සරණවා...ජීවිතේ අමුතුම තැනක නවත්ත   එකම එක මොහොතකට හරි තියෙන ප්‍රශ්න කන්දාරාව ආදරණීය එක හිතක් ලඟදි අමතක කරන්න පුළුවන් ....දයාබර එක වචනෙකට ...හිනාවකට පුළුවන් හිත නිවන්න...

පෙමෙහි රසත් එහි පලයත්
ඔබෙන් උගතිමි
දිවි හිමියෙන් හද බැතියෙන්
ඔබට පිං දෙමි....

හිතවත්ත හිතක් ලඟ නැතුන හිතකට පුළුවන් අනන්තෙක නවතින්නත්....ආදරේ හුස්මක බරව තියා ගෙන ඒ හුස්ම  පපුවේ පුරෝගෙන ජීවත් වෙන්න පුළුවන් ....ලඟින් ලඟම නැතත් දැනෙන ආද⁣රයක් කියන්නේ මහමෙරකටක් එහා....ආත්ම ගණන් මුණ ගැහෙන...හිමි වීමක් හො අහිමි වීමක් නැති හිතේෂිකම් වලට වැට කඬොළු බඳින්න බැ...

නොතිර ලොවේ විරහා දුකේ
අඳුර හිමි විනි
මරු කතරේ
සුළඟ ලෙසේ තනිව පිට වෙමි...

ආදරය කියන්නේ අතැරිමක්...හිමි වීමම ආදරෙත් නෙමේ...දවසක් එවි අපි හැමෝම මේ ලෝකෙන් පිට වෙලා යන....සුසුම් විතරක්ම අහස පුරා රැඳෙන....ඒත් සංසාර දොරකඩ මඟ රැකන් ඉඳිවි මඟැරුණු ආදරය ආයිමත් පිළිගන්න..

හිත ලඟ ඇති ආදරය භාවනාවක්....

#ආදරණීය_මල්

හිතවත...

හිතවත
කිසිත් නොකියා ඉන්න
හැඟිම් බර එකම මොහොතක
ඇවැසි වන්නේ
නුඹේ උරහිසක
සුව පහසුව විතරමයි..

හිතවත
සිනහවක් ඇමුණුවාට
කමක් නැහැ
මගේ ඇස් අගිසි වල...

හිතවත
මුදු හාදුවක් කම් නැති
නලල් මත තැබුවාට
හෙමින් කෙස් රොදකට හොරෙන්....

#ආදරණීය_මල්

මීයන්ට එදිරිව...

කොච්චර පරිස්සමින් හිටියත් ගේ අස්සට මීයෙක් රිංග ගත්තම මානසිකව වැටෙන වැටිල්ල බරපතලයි තට්ටු හතරක බිල්ඩිමකින් වැටිලා කොන්ද කැඩෙනවාටත්  වඩා... ඒ බව නම් තව දුරටත් සහතික කරලම දැන ගත්තා මම නම්...

අධික වේගයෙන් පපුව ගැහෙන එක...කලංතේ ගතිය...ඇඟට පණ නැති වීම...කල්පනාව නැතිකම...කෑම අරුචිය වගේ කී නොකි රෝග ලක්ෂණ ගොඩකින් පීඩා විදිනවා එකම එක මීයෙක් කොහෙන් හරි ගෙට රිංගුවම...ඊයේ රෑ ටෝං ටෝං ගාලා මියෙක් ගෙට ආවා...එනවා විතරයි පේන්නේ...

👑 රැජිණ මමයි මගේ රාජ්ජේ කියලා හිතන් හිටියට මේ කැතම කැත මීයා ගෙට වැදුණම රජකම් වුණත් 🐕 බල්ලට යනවා...

උදේට නැගිටලා මර නිදිමතේ පණ බයේ ගැහි ගැහි වෙව්ල වෙව්ල එළියට ආවම මුලින්ම අතට ගන්නේ කොස්ස....උදේ පාන්දරම මේ ජවුසම නටලා ඇති වෙලා....

ඊයේ රෑ හදිසියෙන් කඩා වැටුණේ මඟ වැරදුන මීයෙක්...නැත්නම් උගේ තියෙන ලොකුකම..මොකද ඌ ආවේ ඉස්සරහ දොරෙන්...දැන් හරියට අපි ඉන්නේ උගේ ගෙදර වගේ....ළමයිගේ කෑ ගැහිලි....ගේ පෙරලන් එළියට දීවිම...පුටු උඩ නැගීම වගේ විවිධ ව්‍යායාම බහුලයි....ඉතිං මේ යුද්දෙක ඇරඹුම...

මීයා ගෙට ආව ගමන් මට මගේ යාළුවෙක් මතක් වුණා....කලින් සැරේක මී කරදර වලට උපදෙස් ගන්න ගිහින් හිනා වෙලා හක්කත් පැන්නා...

එයාට අනුව නම මීයෝ අල්ලන්නේ මෙහෙමයි....රෑට මී පාසනම් කැට කීපයක් ගැනලා මීයා එන රෑට් එක දන්නවා නම් එහෙම තැන් කීපයක තියනවා....හරියටම මී පාසානම් කැට පහක් වගේ තියන්න ඕන...කොතනින් හරි  ටක්කෙටම මීයා කෑවා කියලා ඒකෙන් හොයා ගත්ත හැකි...හිත හදන් ජීවත් වුණ හැකි....ඒක නම් ප්‍රායෝගිකයි හැබැයි...

එහෙම තියලා ලයිට් නිවන්න ඕන...ඊට පස්සේ හොරෙක් වගේ එන්න ඕන සාලෙට....ඔළුවට රෙද්දක් දාගෙන හැංගිලා බලන් ඉන්න ඕක...යාන්තමට ඇස්  දෙක හරියෙන් සිදුරු කර ගන්න ඕන....ඊට පස්සේ මේම හොරෙක් 💩වගේ බලන් ඉන්නවා මීයා එනකල්  ...මම ඇහුවා අැයි එහෙම කියලා....මීයා යන තැන බලා ගන්නලු....මීයාට පේන් නැතිව ඉන්නලු රෙද්දක් පෙරව ගන්නේ...

බුදාම්මෝ බැරි වෙලා හරි ගෙදර කවුරු හරි ආවෝත් හොරෙක් කියලා ඔළුව පලයි...නැත්නම් ලයිට් දාලා හොල්මනක් 👻👻කියලා බය වෙලා තොවිල් නටන්න වෙනවා...හරි මීයා අල්ලපු ගෙදරට ගියොත් හෙම...ඒ පස්සේ යනවාද...

එ් නිසා මී පාසානම් වල පිහිටම තමා මට....වදින් නැති පාරවල් ගහලා කොසු කඩාගෙන කඩේ මුදලාලිව පෝසත් කරන්නත් බැ...බෙරිහන් දීලා අහල පහල සෙනඟ බය කරන්නත් බැ...දවසක් මී ජවුසන් නටන්න ගිහින් පල්ලෙහා ගෙදර අන්කල් අපෙ දොර ලඟ....."මොකද ළමයි මේ" 😡😡😡😡😡

"මේ මීයෙක්..ඒකයි"

"මීයෙක් දැකලා මෙහෙම නම් නයෙක් පොළගෙක් ආවොත්...මේ බිල්ඩිම බිම තියෙයි"😡😡😡😡

#මල්

ප්‍රේම සැඳෑවෝ....

සමහර වෙලාවට සුන්දරම හැන්දෑවල් එන්නේ ඉබේම...පරිසරයත් එක්කම...නිල් පාට පුරෝගෙන ඉන්න අහසත් එක්ක වෙන්නත් පුළුවන් ...වැස්සක් වුණත් එහෙමයි...

සමහර මතකත් එක්ක ජීවිතේ සමහර තැන් පුදුම විදිහට සුන්දර වෙනවා....ගව් ගානක් ඈතක ඉඳන් එන හුළඟ යාන්තම් ඇඟේ ගෑවිලා යද්දිත් හවස් යාමයන් සුන්දරම හැඟීම් එක්ක අපි ගිල්ලවනවා.....

ඒ හැඟිම් මෙන්න මේ හේතුව නිසා කියලා තේරුම් කරන්න බෑ....ආදරණීයම මතක එක්ක ආදරණීය හවස් යාමයන් ඕන තරම් තියෙන්න පුළුවන් ....අපි හැමොටම ...

ඒ හැම හැඟිමක්ම හරිම නිදහස්...කාටවත්ම කරදරයක් නැති..හිත නිවෙන තැන්.....දවස පුරාම මහන්සි වෙලා හිත ඔද්දල් වුණාම නිවනක් ඕන...හිත නිවෙන්න....මහ ලොකු දේවල් ඕන නෑ එකම එක හිනාවක් ..ආදරණීය බැල්මක් ඇති....එහෙම තැන් ..ප්‍රේමණීය හැන්දෑවල් අපිට ඉඳ හිටක මුණ ගැහෙනවා...අන්න ඒක විඳින්න ....

#ආදරණීය_මල්