හීන වල හැමදාම
නුඹ උන්නේ නොකියාම
නුඹ ගියපු පෙරදාක
හිත හැඩුවේ නිතරෝම

මගේ හිතට හැම දාම
නුඹ තමයි සැනසීම
ඒත් නුඹ ගියදාක
හිත වැටුනේ පය ගාව

කවි අස්සේ හැමදාම
නුඹ උන්නා අකුරක් ගානේ
නුදුටුවත් නුඹ ඒ අස්සේ
නුඹට දුන් ඉඩ වැඩිද

ගියපු දා ඉඳලාම
හීන වල සැරි සරන
එදා ඒ නුඹ තමයි
තවත් හිත රිද්දන්නේ...

෴ආදරණීය මල්෴

ඒක ඇබ්බැහියක් 
කෝපි කියන්නෙම
තාමත් හැමදාම
උදේකට හිත පිච්චෙන 
සුවඳක්
ඉස්සර  ඔයා ඉතිරි කරලා දෙන
කෝපි උගුර බොන්න
ඔව් කෝපි කියන්නෙම
ඇබ්බැහියක් ...

 ෴ආදරණීය මල්෴

නුඹ ගිලිහි වැටෙන විට
මම මගේ දෑතට ගතිමි
නුඹ සුරැකිව තැබිමි
සුළඟකට පවා නුඹ
ගිලිහි නොයන්නට
නුඹව මා සුරැකිමි
විඩා බර අව් රශ්මියේ
නුඹ දැවෙයි බිය වීමි
නුඹව මා ලයෙහි හොවා
රකින්නෙමි හුස්මක පවා....

 ෴ආදරණීය මල්෴

සඳ මැණික..
තාමත් නුඹේ ලඟ
ඉස්සර උණුසුමයි
කරුණාව එහෙමමයි
දයාපිරි මුහුණමැයි

ඉස්සර විඩාවට
ඉර බහින ජාමෙට
ආවාම නුඹ ලඟට
දෙන පුංචි හිනාවට
මගේ සරතැස නිවුන

මව් සෙනෙහෙ පුරෝ ගෙන
දරා ගෙන දුක් කන්ද
දුක් සුසුම් සේරෝම
නුඹ දුන්නේ අහසට

මුට්ට කර ගහපු මට
දුන්න නම නාටාමි
ඒත් නුඹ මට දුන්න නම
දෙවියොමයි හැමදාම

ඇදුම් කන පිට දිගේ
නුඹේ දෑත සීරුවට
තෙල් ගගා මැතිරුවේ
සුව වෙන්න වෙිදනා

දරු මල්ලො නැති අපිට
අපිමයි අපේ හෙවනැල්ල
නුඹේ හෙවනේ මියැදෙන්න
විතරමයි දැන් පැතුම

ඉපදෙනා හැම භවයේ
එකම එක වතාවක්
සොඳුර මට මව් වෙයන්
වඳින්නට නුඹේ දෙපා

 ෴ආදරණීය මල්෴