Wednesday, August 16, 2017

මඩ ගොහොරු මත පිපුන
නෙළුම නුඹ රුසිරි පිරි
මෙගොඩ රැඳි රකුසු නෙත්
දිලිසේවි නුඹ ඩැහැ ගන්න

දස මසක වාරුවෙන්
නුඹ හැදුවේ සීරුවෙන්
නපුරු දන නිය අයා
මෙගොඩ ඇති අත තියා
පෙති කඩා වනසන නියා

නෙළුම නුඹ නුවණැසින්
ලොව බලා හිනැහියන්
මඩ ගොහොරුවක මුත්
මුල් දරා ඉපැදුනේ
අභිමානයක් ඇත
නුඹේ හිසෙ රඳවාපු

එපා මියැදි වැනසෙන්න
නපුරු ගොරහැඩි අතක
රැක ගන්න තේජසින්
නුඹේ ගෙනා නැණ සුවඳ
දිනන්නට ලෝකයක්
නෙළුමියේ නුඹටත් හැකිය...

෴ආදරණීය මල්෴



No comments:

Post a Comment

ආදරේ කියන්නේ තරමක ආත්මාර්ථය කැටි කර ගත්ත හැඟිමක්... මගේ විතරමයි කියන හැඟිම නිරායාසයෙන්ම හිතට එන... ඔව්.. මට ඔයාව මුණ ගැහුණ දවසේ ඉඳලා මම හීන...